12.Nahetuṃ nadassanena pahātabbaṃ dhammaṃ paṭicca….
Nahetuṃ nanadassanena pahātabbaṃ dhammaṃ paṭicca….
13.Nahetuṃ nabhāvanāya pahātabbaṃ dhammaṃ paṭicca…pe… nahetuṃ nanabhāvanāya pahātabbaṃ dhammaṃ paṭicca…pe… nahetuṃ nadassanena pahātabbahetukaṃ dhammaṃ paṭicca…pe… nahetuṃ nanadassanena pahātabbahetukaṃ dhammaṃ paṭicca…pe… nahetuṃ nabhāvanāya pahātabbahetukaṃ dhammaṃ paṭicca….
Nahetuṃ nanabhāvanāya pahātabbahetukaṃ dhammaṃ paṭicca….
14.Nahetuṃ nasavitakkaṃ dhammaṃ paṭicca…pe… nahetuṃ naavitakkaṃ dhammaṃ paṭicca…pe… nahetuṃ nasavicāraṃ dhammaṃ paṭicca…pe… nahetuṃ naavicāraṃ dhammaṃ paṭicca…pe… nahetuṃ nasappītikaṃ dhammaṃ paṭicca…pe… nahetuṃ naappītikaṃ dhammaṃ paṭicca…pe… nahetuṃ napītisahagataṃ dhammaṃ paṭicca…pe… nahetuṃ nanapītisahagataṃ dhammaṃ paṭicca…pe… nahetuṃ nasukhasahagataṃ dhammaṃ paṭicca…pe… nahetuṃ nanasukhasahagataṃ dhammaṃ paṭicca…pe… nahetuṃ naupekkhāsahagataṃ dhammaṃ paṭicca…pe… nahetuṃ nanaupekkhāsahagataṃ dhammaṃ paṭicca…pe….
15.Nahetuṃ nakāmāvacaraṃ dhammaṃ paṭicca…pe… nahetuṃ nanakāmāvacaraṃ dhammaṃ paṭicca…pe… nahetuṃ narūpāvacaraṃ dhammaṃ paṭicca…pe… nahetuṃ nanarūpāvacaraṃ dhammaṃ paṭicca…pe… nahetuṃ naarūpāvacaraṃ dhammaṃ paṭicca…pe… nahetuṃ nanaarūpāvacaraṃ dhammaṃ paṭicca…pe….
16.Nahetuṃ napariyāpannaṃ dhammaṃ paṭicca…pe… nahetuṃ naapariyāpannaṃ dhammaṃ paṭicca…pe… nahetuṃ naniyyānikaṃ dhammaṃ paṭicca…pe… nahetuṃ naaniyyānikaṃ dhammaṃ paṭicca…pe… nahetuṃ naniyataṃ dhammaṃ paṭicca…pe… nahetuṃ naaniyataṃ dhammaṃ paṭicca…pe….
Nahetuṃ nasauttaraṃ dhammaṃ paṭicca…pe…. Nahetuṃ naanuttaraṃ dhammaṃ paṭicca…pe….
17.Nahetuṃ nasaraṇaṃ dhammaṃ paṭicca nahetu nasaraṇo dhammo uppajjati hetupaccayā. (Nava.)
Nahetuṃ naaraṇaṃ dhammaṃ paṭicca nahetu naaraṇo dhammo uppajjati hetupaccayā. Nahetuṃ naaraṇaṃ dhammaṃ paṭicca nanahetu naaraṇo dhammo uppajjati hetupaccayā. Nahetuṃ naaraṇaṃ dhammaṃ paṭicca nahetu naaraṇo ca nanahetu naaraṇo ca dhammā uppajjanti hetupaccayā. (3)
Nanahetuṃ naaraṇaṃ dhammaṃ paṭicca nanahetu naaraṇo dhammo uppajjati hetupaccayā. Nanahetuṃ naaraṇaṃ dhammaṃ paṭicca nahetu naaraṇo dhammo uppajjati hetupaccayā. Nanahetuṃ naaraṇaṃ dhammaṃ paṭicca nahetu naaraṇo ca nanahetu naaraṇo ca dhammā uppajjanti hetupaccayā. (3)
Nahetuṃ naaraṇañca nanahetuṃ naaraṇañca dhammaṃ paṭicca nahetu naaraṇo dhammo uppajjati hetupaccayā. Nahetuṃ naaraṇañca nanahetuṃ naaraṇañca dhammaṃ paṭicca nanahetu naaraṇo dhammo uppajjati hetupaccayā. Nahetuṃ naaraṇañca nanahetuṃ naaraṇañca dhammaṃ paṭicca nahetu naaraṇo ca nanahetu naaraṇo ca dhammā uppajjanti hetupaccayā. (3) (Saṃkhittaṃ.) Hetuyā nava. (Sabbattha nava.)